Verðlaunagarður

 

Okkur til ánægju voru okkur veitt verðlaun fyrir garðinn okkar af Grindavíkurbæ.

Hér koma netslóðir þar sem eru myndir af verðlaunagörðunum http://www.grindavik.is/  http://vesturhop.com/  Garðurinn okkar er með Liverpool fánan á lofti, að sjálfsögðu....

Þar sem garðurinn er aðeins eins árs og allt umhverfið um eins og hálfs árs var heiður að fá þessi verðlaun.

Við höfum að mestu hannað allt sjálf með góðri aðstoð frá Grindverk sem sá um hellulögn, jarðverkskipti og gras fyrir okkur, allt sem við lögðum til við þessa verktaka var "ekkert mál"  og öll samvinna frábær, Bói eigandi Grindverks er mjög flinkur og bendi ég fólki hiklaust að leita til hans, síminn hjá kappanum er 898-1114.

Doddi sá um alla palla smiði, grindverkið, lagningu rafmagns að ljósum og uppsetningu ljósa, þar sem einhverjir sentímetrar til eða frá hafa aldrei truflað hann við smiði hingað til er mikill metnaður og vandvirkni við þessa vinnu hjá honum, það hafa margir faldir hæfileikar blómstrað hjá honum.

Við höfum í sameiningu séð um plöntuval, lögðum við mikla áherslu á að hafa eitthvað blómstrandi frá maí til sept í garðinum og erum alltaf að bæta einhverju við.

Það er ótrúlegt hvað er hægt að rækta á þessu nesi okkar suður með sjó, mér er í fersku minni er ég kom glaðbeitt með gróðrarhnausa og afleggjara frá mömmu til að gróðursetja við Mánagötu 1. þar sem við áttum okkar fyrsta hús, það var sumarið 1981 að ég var á fjórum fótum að gróðursetja að kona kom aðvífandi furðulostin yfir bjartsýninni hjá mér að reina að rækta blóm í Grindavík, að hennar sögn var ekkert hægt að koma til hér nema gras og arfa....en viti menn það er allt hægt.

Mesta ánægja okkar hjóna er að þetta er okkar sameiginlega áhugamál við eigum yndislegar stundir í garðinum, gleðjumst yfir hverju laufi og´útsprungnu blómi sem birtist.

Á þessum árstíma er svo gaman að sjá breytingarnar á gróðrinum yfir í haustliti, þvílík listaverk náttúrunnar.

Það hefur mikið verið hlegið af því í fjölskyldunni að Doddi er sagður sægrænn, hann uppgvötaði þegar hann kom í land af sjónum að hafa grænar fingur...

Næsta vor verður gerður kryddjurta og grænmetisgarður innan girðingar, ásamt kartöflugarði og safnkassa utan girðingar, okkur er strax farið að hlakka til vorsins.

 

 

 

Athugasemdir

[Vilborg Traustadóttir, 1.9.2007 kl. 12:27]

Til hamingju með þetta.  Þið eigið þetta sannarlega skilið og gaman að sjá myndirnar. 

[Herdís Sigurjónsdóttir, 1.9.2007 kl. 15:40]

Til hamingju Stóra og Doddi mikið er þetta verðskuldað. Garðurinn ykkar er meiriháttar, en Elli er ekki hrifinn af fánanum ... ekki frekar en nágranni ykkar.

Það er búið að vera gaman að fylgjast með þróun mála og Boy o boy hvað Doddi smiður hefur komið mér á óvart í öllu þessu. Hann getur allt sægræni karlinn, við verðum bara að passa að hann verði ekki vinstri-grænn . Þú ert og verður blómakerling Kristín mín, þú átta bara eftir að átta þig enn betur á því sjálf . Enda ekki langt að sækja það.  Þú manst að pabbi er búinn að fá tvenn verðlaun, en mamma bara ein  . Ég er líka að vinna í því að gera verðlaunagarð, en það verður líklega ekki fyrir nýjan eins og þið dugnaðarforkar, spurning hvort 7 ár geti nokkuð talist nýtt ... en þetta kemur allt saman með kalda vatninu. 

[Vilborg Traustadóttir, 3.9.2007 kl. 01:26]

Ég átti von á að fá "verðlaunasvalir"!!!!!!  Er sennilega of hátt uppi til að fá ábendingar frá öðrum.  Auglýsti þó "svalaskoðunarferðir og allt......

[Hulda Margrét Traustadóttir, 4.9.2007 kl. 08:17]

Til hamingju, rosalega er þetta flott hjá ykkur. Ég eins og Vilborg hef bara svalir en átti ekki skilið verðlaun í sumar þar sem svalirnar voru blómalausar, lagði þær í staðin undir "art gallerí" og þar var mikið málað. Þær voru því mjög skrautlegar sér í lagi þegar Vilborg kom og hún var auðvitað fallegasta blómið þetta sumarið og vægast sagt mikið blá á hinum ótrúlegustu stöðum ...... En svalirnar hennar voru aftur á móti alveg verðlauna virði...Gaman að sjá þetta, kær kveðja Magga "systir" Vilborgar....

[Vilborg Traustadóttir, 4.9.2007 kl. 11:12]

....talandi um "bláu höndina"..............